«Терезе алдындағы бақша» балалардың танымдық дамуында, экологиялық мәдениетті тәрбиелеуде үлкен маңызға ие, қызығушылық пен байқаудың дамуына ықпал етеді. Ол балалардың өсімдіктер туралы, олардың өсуі мен дамуы үшін қажетті жағдайлар туралы түсініктерін кеңейтеді, эстетикалық сезімдерді дамытады. «Табиғатқа дос бол!» экологиялық жобасы аясында «Балапан» кіші тобының балалары тәрбиешімен бірге жердің қасиеттерімен танысып, «Бақшада не отырғызуға болады» тақырыбында әңгімелесті, гүлдер мен пияз тұқымдарын отырғызды. Міне, біздің терезе алдындағы бақшамыз осындай болды.